உலகம் ஒரு நாடக மேடை

 
2013 ல் மட்டும் 
நினைப்பது நடந்துவிடவா போகிறது. 

பூக்களுக்கு ஆசைப்பட்டு
வேர்களுக்கு விஷம் ஊற்றும்
முட்டாள்களின் தேசம் இது.

கல்வி கற்ற
ஒழுக்கமுள்ள
நாகரிக முட்டாள்கள்
வாழ்ந்துகொண்டிருக்கிறார்கள்
உலகின் முடுக்குகள் எங்கும்.

உயிர்களின் மதிப்பறியாது வாழும்
நவீன கற்கால மனிதர்கள்.

காதலுக்கும் காமத்துக்கும்
அர்த்தம் தெரியாத
அரைவேக்காடுகள்...

சோற்றுக்கு பதில்
எதை தின்றார்களோ
சாதியும் மதமும் தான்
வேண்டுமென்கிறார்கள்.

பெரியார்களும் அம்பேத்கார்களும்
பிறந்து பிறந்து சலிப்படைந்து
இனி பிறக்காத ஒரு அவதாரம்தான்
எடுப்பார்கள் போல.

யோனியை
கிழித்துக்கொண்டு வரும்போது
இரத்தத்தோடு சேர்ந்தே வந்ததா சாதி?

அசிங்கமான வார்த்தைகளை
தேடித் தேடிப் பார்க்கிறேன்
என்னை நானே சபித்துகொள்ள.

அசதியில் உறங்கிப்போன நினைவுகளை 
இன்னமும் கேட்டுகொண்டிருகிறேன்.

கிழிந்த ரூபாய் நோட்டுக்கள்
தரும் மரியாதையை
எந்த பட்டு சட்டையும்
எங்களுக்கு தருவதேயில்லையே ஏன்?

அரசுக்கும் அரசுக்கும் இடையே
ஆண்டாண்டுகால யுத்தம்.

நீர் கேட்டு
நீர் கேட்டு மாய்ந்து
நிலமெல்லாம் விவசாயி ரத்தம்.

எச்சில் துப்பி
அழித்துவிட்டுப் போக
நினைவுகள் என்ன ...
கரும்பலகையில் கிறுக்கப்பட்ட
வெள்ளைக் கோடுகளா?

இனிமேல் 
சுவர்களில் எழுதிதான் வைக்கவேண்டும்.

 
பெண் பிள்ளைகள்
பிறந்தால் பதுக்கி வையுங்கள்
காமுகர்கள் வலையவந்து
கொண்டிருக்கிறார்கள்
கற்பின் தோட்டத்தை
களைபறிக்க..

பெற்றவனின் வயிற்றெரிச்சல்
வார்த்தைகளிலேயே
வாய்க்கரிசி போடும்.
நம் வன்மத்தின் மீது வரலாறு
காரி உமிழும்.

குடிக்கத் தண்ணீர் கேட்டால்
குனிய வைத்து
வெந்நீர் ஊற்றும்
சமூகம் பிறந்திருக்கிறது.

உலகம் அழியாமல் என்ன செய்யும்?

திறவுகோலை தொலைத்துவிட்டு
தெருவுக்கு வந்துவிட்டோமோ
என யோசிக்கத்தான் செய்கிறது.

கண்டுபிடிப்புகளின் புரட்சி
காலுக்கடியில் குழி பறித்துவிட்டது.

தொட்டு
முத்தமிட்டுகொல்லுங்கள் மரணத்தை
வாழும்போதுதான் மனிதனாக வாழவில்லை
சாகும்போதாவது
கொஞ்சம் இருந்துவிட்டு போகட்டும்
அடிமனசில் ஈரம்.

பாலஸ்தீனம் வந்துவிட்டது
ஈழமும் வந்துவிடும் என்று
நம்பி தொலைக்காதீர்கள்... 

அதற்க்கு,
இன்னும் சில ஆண்டுகள்
ஆகலாம்...

அமெரிக்ககாரனுக்கும் 
ஐ.நா.வுக்கும் என்ன அவசரம்
இலங்கையில் பெட்ரோலா
கிடைக்கிறது.
 
இரண்டாம் நாளே
ஈழம் பிறக்க.

ரத்தத்தால் விதியெழுதும்
பழக்கம் நம் தலைவர்களுடையது.

அவர்கள் போகிறபோக்கில்
சொல்கிற வார்த்தைக்கெல்லாம்
அர்த்தம் தேடினால்
மொழிகளுக்கு இன்னொரு
அகராதிதான் வேண்டும்.

பாலை வனங்களில்...
மழை பிரதேசங்களில்...
சமவெளிகளில்...
எங்கும்...
கைப்பிடிக்குள் அக்கினியின் வாசம்
விதியை நொந்து
விரல்கள் எழுதுகின்றன
மணல் பக்கங்களில்...

உலகம் ஒரு நாடக மேடை என்று.

நம்பி நம்பி
நாசமாய் போன சமூகம்தானே
நம்முடையது.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

பொம்மலாட்டம்

படம்
கட்டுரை   சகோதரி சிந்துமதி (நிகழ்ச்சி தயாரிப்பாளர் - சத்தியம் தொலைகாட்சி) கலைகளின் தாயகமாய் திகழ்வது தமிழ்நாடு. அப்படி கலாசாரத்திலும், மரபிலும் முன்னோடியாக திகழும் தமிழக த் திற்கு என்று எப்போதுமே ஒரு தனி அடையாளம் உண்டு. அந்த அடையாளங்களில் ஒன்றுதான் பொம்மலாட்டம்.  மனித நாகரிகத்தின் வளர்ச்சியில் காலம் காலமாய் தொடந்துவரும் பொம்மலாட்டத்திற்கு என்றே ஒரு தனிச்சிறப்பு உண்டு. உலகில் இன்று பல்வேறு நாடுகளில் , பல்வேறு பெயர்களில் பொம்மலாட்ட த் தை கண்டுகளித்து வருகிறார்கள். இருப்பினும் நாகரிகத்தின் பெயரால் நலிவடைந்து கொண்டிருக்கும் கலையான பொம்மலாட்டத்தின் வரலாறுதான் என்ன? '' சீனர்களுக்கும் நமக்கும் எல்லைத் தகராறு மட்டும் அல்ல.... கலைத் தகராறும் தான். ' நாங்கதான் பொம்மலாட்டத்தைக் கண்டுபிடிச்சோம் ’ என்கிறார்கள் சீனர்கள். ஆனால் , சிலப்பதிகாரத்திலேயே பொம்மலாட்டம் பற்றிய குறிப்புகள் உள்ளது. இது சும்மார், 300 வருடங்கள் பழமையானது. இன்றைய அனிமேஷன் படங்களுக்கு, பொம்மலாட்டம் ஒரு  முன்னோடி என்று சொல்லலாம். கதாபாத்திரங்கள் பேசுவது , காதலிப்பது , சண்டை இடுவது எல்லாம் ...
மேலும் படிக்கவும்

ஆட்டோ சங்கர்

தமிழகத்தை உலுக்கிய எத்தனையோ கொலை, கொள்ளை, கடத்தல் , பாலியல் வன்கொடுமை  சம்பவங்களை கேட்டிருக்கிறோம்... சமீப காலங்களில் அதனை பார்க்கவும் செய்கிறோம்... நாகரீகம் நம்மை வாழ வைக்கும் என்கிற நம்பிக்கையில் தான் ஒவ்வொரு கணமும்  கண்டு பிடிப்புகளோடும்,  ஆக்கங்களோடும் புதிய உலகை நோக்கி  பயணித்து கொண்டிருக்கிறது மனிதர்களின் வாழ்க்கை. ஆனால், நம்முடைய  நல்மனதுக்குள் ஆசைகளும் வஞ்சமும் நுழைந்து... போட்டியும் பொறாமையும் வளர்ந்து சமூகத்தில் நம்முடைய நிலையை மோசமான ஒரு பதிவாகவே   விட்டு செல்கிறது. அதற்கெல்லாம் காரணமாக அமைந்து விடுகிறது பேராசை.  இந்த சம்பவங்களின் பின்னணியில் ஒரு எடுத்து காடடாக 20ம் நூற்றாண்டில் ஒரு நபரை குறிப்பிட்டு சொல்ல முடியும் என்றால் ... சொகுசு வாழ்க்கைக்கும் சுகபோகத்துக்கும் ஆசைப்பட்டு கொலை கொள்ளை என களத்தில் இறங்கி அடித்து, சிறை கம்பிகளுக்கு  முன்னே தூக்கிலிட்டு கொல்லப்படட  ஆட்டோ சங்கரை தவிர வேறு யாரும் அத்தனை  பொருத்தமாய் இருக்க மாடடார்கள்....   தமிழகத்தின் தலைநகரத்தில் தொடங்கி தேசத்தை உலுக்கிய ஆட்டோ சங்கரின் வாழ்க்க...
மேலும் படிக்கவும்

ஊசியிலைக் காடுகள்

படம்
                                                                                                தமிழில் வனம், கானகம், அடவி, புறவு, பொதும்பு  என  பல சொற்களால் அழைக்கப்படுவது காடு. சுருக்கமாக சொன்னால் மரங்களின் அடர்த்தி அதிகம் உள்ள நிலப் பரப்பே காடு என்றால் அது மிகையில்லை . உயிர்களின் வாழ்வாதாரத்தை உறுதி செய்பவை காடுகள் தான். அந்த வகையில் ஒவ்வொரு மனிதனாலும் கவனிக்க படவேண்டிய ஒன்றாக இருக்கின்றன  காடுகள். முற்காலத்தில் புவியின் மேற்பரப்பில் 50%  சூழப்பட்டிருந்த காடுகள் தற்போது  வெறும்  ...
மேலும் படிக்கவும்